نئی دہلی2 مارچ (ایس او نیوز؍آئی این ایس انڈیا)دہلی کے وزیراعلیٰ اروند کیجریوال کی رہائش گاہ پر چیف سکریٹری انشو پرکاش کے ساتھ مبینہ بدسلوکی کے معاملے میں دہلی پولس نے عام آدمی پارٹی ( عاپ) کے ممبر اسمبلی راجیش رشی سے تقریباََدوگھنٹے تک پوچھ گچھ کی۔پولیس کے ایک سینئرافسر نے بتایا کہ چیف سکریٹری کے ساتھ گزشتہ ماہ ہونے والی مبینہ بدسلوکی کے معاملے میں عاپ کے دوممبرانِ اسمبلی نتن تیاگی اورمسٹر راجیش رشی کو کل پوچھ گچھ کے لیے سول لائنس تھانے میں بلایا گیا تھا۔تاہم، مسٹر تیاگی نے پیش ہونے سے معذوری ظاہر کرتے ہوئے کہا کہ وہ دہلی میں نہیں ہیں اور پوچھ گچھ کے واسطے پیش ہونے کے لئے ایک ہفتے کی مہلت دینے کا مطالبہ کیا ہے۔